الأخبار
خسر ليفربول

July 29, 2020, 1:24 pm



خسر ليفربول 

بعد مباراة روعة من ليفربول الأجدر تماما بالفوز في مباراة تسيدها الفريق الأحمر من اولها لأخرها خسر امام اتلتيكو مدريد في الأنفيلد و كان خسر في واندا موتريبوليتانو ايضا و بنتيجة كبية في مجموع اللقاءين 4-2.... 
كلمة السر في الخسارة هو ضعف أداء أدريان حارس المرمي المتواضع و اللي حظه وحش لأن خطأءه في الهدف الأول فتح المباراة و انهار الفريق في أخر اللحظات .....
بس ايه أوبلك ده .... ما هذا الحارس ... حارس من الماس هو الأفضل بدون منازع علي مستوي كل الدوريات الأوروبية رده فعله مش طبيعية و توقعه مش طبيعي و عنده مرونة و رشاقة الحقيقة كل مرة بتذهل المتابعين ....
طبعا كمان لازم اتكلم علي سيميوني اللي عمل تغيرات قلبت النتيجة بذكاءة المعتاد ... في رأيي هو كان محظوظ طبعا في كم الفرص اللي ضاعت من ليفربول لكنه اجتهد و خطط و نجح في الوصول للي كان بيحلم به .....
الملحوظة الأكيدة شوف الفارق بين أدريان و اوبلاك .... ده حارس و ده حارس بس هو فرق السما والارض ...
مبرووك اكيد للأتلتيكو مدريد و جماهيره المتحمسة دايما و حظ افضل للفريق اللي كان أفضل ليفربول و تحيه خاصة لمحمد صلاح علي اداءة في المباراة  رغم انه افتقد تركيز اللمسة الاخيرة

Forza Aleti campeón,
Lo ro lo ro lo ro ro,
Dale Aleti campeón,
Lo ro lo ro lo ro ro...

Forza Aleti campeón,
Lo ro lo ro lo ro ro,
Dale Aleti campeón,
Lo ro lo ro lo ro ro...
مانشستر حمراء

دربي مانشستر ينتهي زي الدور الاول بفوز اليونايتد من غير تعقيدات .... و كأنها مباراة الدور الاول بالضبط سيطرة مطلقة للسيتي علي الكورة بدون فرص حقيقية فقط استحواذ بتمريرات عرضية و طوليه لكن بدون تسجيل الاهداف.... 
اداء محترم من اليونايتد اللي نازل عارف حيكسب ازاي و مدربه حافظ طريقة جوارديولا و مستعد لها و نجح في استغلال الأخطاء الدفاعية المتكررة من دفاع السيتي و بعدها يدافع دفاع منظم جدا... ثم اللعب علي الهجمات المرتدة السريعة واللي لازم تكون خطيرة لو دفاعك زي اوتامندي و فيرناندينيو.....
اكتر حاجة عجبتني في سولشاير انهارده هو حبه للمكسب و احترامه امكانيات لاعبيه بدون زهق او ملل و تحقق ليه اللي هو عايزة و استغلال الثنائي برونو فيرناديز و مارشيال زي ما الكتاب بيقول...
بيب جوارديولا طبعا مكانش في حالته و اصابه اجويرو اربكت الحسابات اكتر لكن اكيد اسوء حاجة بالنسباله كانت اداء إدرسون الغير مقنع تماما مش علشان الهدف التاني بس لا لان الهدف الاول كان ممكن يصدها و يطلعها ركنيه بدل ماكان بيحاول يمسكها ....
مبروك لليونايتد و جماهيرة الي هتفت من ساعة الهدف الهتاف ده  و طبعا قبلها ألف مبروك لليفربول الدوري 

UNI TED, 
United are the team for me, 
With a nick nack paddy whack give the dog a bone, 
Why don't city * off home?

UNI TED, 
United are the team for me, 
With a nick nack paddy whack give the dog a bone, 
Why don't city * off home?
اخيرا ليفربول افتكر سكة الفوز و نجح انه يحقق ثلاث نقاط مهمة جدا مش بس علشان تقربه خطوة جديدة للفوز بالدوري كمان علشان استعادة الثقة قبل موقعة أتليتكو مدريد في الأنفيلد يوم الأربعاء القادم ان شاء الله...

اهم ما في المبارة اليوم بعد الثلاث نقاط هو رقم محمد صلاح الفريد من نوعه :
- محمد صلاح لعب 100 مباراة مع الريدز سجل 70 هدف ليضرب ارقام لويس سواريز لللي سجل 69 هدف في 110 مباراة و فيرناندو توريس اللي سجل 65 هدف في 102 مباراة... 
- كمان صلاح اصبح اول لاعب اجنبي في تاريخ ليفربول يسجل 20 هدف في 3 مواسم متتاليه اخرهم كان مايكل اوين الإنجليزي طبعا....
- واضح ان صلاح بيحب يسجل في بورموث بالتحديد لان هدفه انهارده هو الثامن في ست مباريات فقط ضد التشاريز....

ساديو ماني سجل هدف الفوز و صنع التعادل لصلاح ....
الملحوظة هي مازال دفاع ليفربول مهزوز جدا و الدليل طبعا الإنفراد اللي أنقذه ميلنر و تقمص شخصية القائد الحقيقي كان ممكن يبقي هدف التعادل و يربك حسابات كلوب .....
مبروك لليفربول و قريبا جدا حيحتفل رسميا بالدوري المنتظر 

Mo Salah, Mo
Running down the wing,
 la, la, la, la, la, la, la king...
Running down the wing,
 la, la, la, la, la, la, la,
Egyptian king...

منشورات شائعة