الأخبار
نأدي أرسنال بيتغير فعلا الموضوع طلع بجد

August 20, 2020, 8:42 am



نأدي أرسنال بيتغير فعلا الموضوع طلع بجد 

في واحدة من المباريات الجميلة أثبت أرسنال ان فوزه علي ليفربول مكانش حظ و لا بالصدفة ( رغم ان بعض الأصدقاء كانوا بيقولوا اني كنت مبالغ بعد فوز أرسنال علي ليفربول في الدوري ) فاز أرسنال علي مانشستر سيتي في ويمبلي في الدور قبل النهائي في الFA cup..... ارتيتا بيأكد من جديد انه مشروع مدرب كبير و واضح جدا انه اتعلم من استاذه جوارديولا( بعد حوالي ثلاث سنوات معاه) مش بس كده ده شرب الصنعة بجد و كان قارئ كل أفكار جوارديولا......
اداء دفاعي عالمي من أرسنال و تنظيم محسوب بشكل محترم جدا .... و رغم ان القماشة مع أرتيتا كلنا عارفين مستواها الا انه انهارده دافيد لويس و موستافي و اكتشاف كليرين تيناري ( الباك الشمال اصلا) ثلاثي الدفاع كان في أفضل احواله من حيث التمركز و قفل كل المساحات علي لاعبي السيتي...... و الحاجة الثانيه اللعب علي المرتدات و استغلال المساحات في دفاع السيتي ..... ذكاء كبير جدا من أرتيتا......

اما اوباميانج فكان هو النجم الأول للمباراة لانه جاله ثلاث فرص سجل منها هدفين فاز بيهم أرسنال انهارده بتوضح انه مهاجم فعلا عنده كثير و لو معاه مدرب كويس إمكانياته بتظهر .... و حتي لما كان معاه مدرب زي إيمري كان بردو هداف الدوري الموسم الماضي.....
الظريف ان ‏آخر مرة فاز فيها آرسنال على السيتي كانت في نصف نهائي كأس انجلترا بردو سنه 2017 ومن بعدها لعب الفريقين 7 مباريات حقق السيتي 7 انتصارات و سجل 20 هدف و أرسنال 2.... هزيمة الليله ضد أرسنال هى أول خساره يتلقاها مانشستر سيتي فى الكؤوس المحليه (الإنجليزية ) منذ 880 يومًا......هي ديه متعة الكورة اللي دايما متغيرة و متجددة .....

أجمل ما في المباراة فرحة أرتيتا في بعد صافرة الحكم و احساسه انه فعلا عمل شيء كبير في اسبوع فاز علي السيتي و قبلها ليفربول و لو نجح في انه يحسم بطولة الFA cup في النهائي يوم 1 أغسطس حتكون شهادة ميلاده الحقيقة في عالم التدريب و اللي صدرت بسرعة جدا جدا....
اخر نقطة معجب جدا بحارس مرمي أرسنال إمليانو مارتينيز الأرجنتيني اللي كان بديل للحارس لينو اللي أصيب في مباراة برايتون من كام اسبوع ..... مارتينيز جاهز جدا و تحس انه كان بقاله فترة بيلعب في الأجواء ديه رغم انه اول مرة يشارك في البرميرليج.... فعلا معجب بثباته و ثقته بنفسه و انه بيستغل الفرصة في الميعاد الصح.....
مبروك للجانرز و في انتظار مباراة بكرة بين تشيلسي و مانشستر يونايتد لتحديد مين حيلاعب أرسنال......

Chant for Gunners striker Pierre-Emerick Aubameyang:
Aubameyang, 
Aubameyang, 
Aubameyang, 
Aubameyang, 
Aubameyang...
Aubameyang, 
Aubameyang, 
Aubameyang, 
Aubameyang, 
Aubameyang...

أرسنال يفوز علي ليفربول البطل في مباراة كبيرة لأرتيتا
واحدة من أفضل مباريات أرتيتا كمدرب مع أرسنال .... فاز الجانرز علي ليفربول في ملعب الإمارات 2-1 ...... و رغم ظروف كتيرة مر بيها أرتيتا مع أرسنال الا انه كان موفق بشكل كبير في المباراة ديه و نجح انه يحقق الفوز رغم انه عنده مباراة مهمة جدا مع مانشستر سيتي في قبل نهائي الFA cup فكان لازم يريح نجومه اوباميانج و بليرين و حتي خرج لاكازيت بدري علشان يتجنب الإرهاق او اي إصابات لنجومه .....
ملاحظاتي علي المباراة: 
و كأن أرتيتا بيرد الهدية لجواديولا علي انه كان المساعد بتاعة و اتعلم منه الكثير و نحج انه يفوز علي ليفربول و كده خلاص ليفربول مش حيكسر رقم مانشستر سيتي و هو تحقيق 100 نقطة في الدوري  ..... اكتر حاجة عجبنتي في أرتيتا هو انه عرف ازاي يستغل ظروف المباراة في صالحه و كان الطبيعي ان ليفربول يخطف هدف في أي لحظه لكن تنظيمه الدفاعي و التغيرات كانت فعلا ممتازة......

علشان جحيم الامارات بقيادة ارتيتا يبتلع البطل ليفربول....
دافيد لويس كان بيلعب في ليفربول ولا إيه  انتقلت العدوي لفان دايك في الهدف الأول لأرسنال عن طريق لاكازيت وبعدها أليسون كمان غلط في الجول تاني لأرسنال لانه لعب الكورة للاكازيت اللي لعبها عرضية لنيلسون علشان يسجل الشاب الصغير هدف ثاني غالي جدا لأرسنال و أرتيتا و يكون خامس لاعب تحت 20 سنه يسجل لأرسنال السنادي في الدوري هو و ساكا نيكيتيا مارتينلي و ويلوك و ده اكثر عدد سجل في كل الدوريات الاكبري...... 
الملحوظة المهمة هي تأثير غياب هندرسون كقائد للفريق واضحة جدا علي ليفربول... ظهرت المشكله ديه أثناء الموسم في كذا مباراة و رغم أستحواذ ليفربول و الفرص الكتير الا انك تحس ان ليفربول في حاجة كبيرة نقصاه في نصف الملعب ... قلت كتير ان دور هندرسون مش بس دور فني و لكن واضح جدا انه بيأثر في نواحي نفسية كانت غايبه تماما عن ليفربول في مباراة الليلة......
اخر نقطة ... الحاجة الإيجابية لليفربول في المباراة ديه انه للموسم الثاني على التوالي روبرتسون و أرنولد مدافعي ليفربول يصنعان أكثر من 10 أساسيت .... محصلتش في تاريخ البريميرليج أن 2 مدافعين من نفس الفريق يصنعوا الكم ده من الأهداف......
مبروووك لأرسنال و لسه الامل موجود علي مركز اوروبي صحيح مش سهل لكن المهم الفريق يفوز في الجولتين القادمين و ينتظر هدايا المنافسين خصوصا و ان الفارق اصبح 3 نقط بس
اما بالنسبه للبطل ف‏رسميًا.. ليفربول سيتسلم كأس البريميرليج يوم الأربعاء الموافق 22 يوليو بعد المباراة أمام تشيلسي.....

49 49 undefeated, 
49 49 I say, 
49 49 undefeated, 
Playing football the Arsenal way...
Come to see the Arsenal, 
You've only come to see the Arsenal, Come to see the Arsenal, 
You've only come to see the Arsenal...

اثارة ما بعدها إثارة و متعة حقيقية في الدوري الانجليزي 
ضيع مانشستر يونايتد فرصه الإنفراد بالمركز الثالث و تعادل ما ساوثاهامبتون في ملعبه في أولدترافور 2-2.... و في رأيي سولتشاير مكانش موفق في بعض قراراته في المباراة و كمان صدفه سوء حظ شديد خلينا نتكلم عليه.......
ماتش جميل و مثير من اول ثانية و الحقيقة ان ساوثاهامبتون استحق التعادل و عمل مباراة كبيرة..... الساينتس بدأو المباراة بهدف مبكر عكس كل التوقعات و بسبب خطأ متكرر من بوجبا و حبه للإحتفاظ بالكورة رغم انه مضغوط عليه من داني إنجز حاول يرقص و الكورة اتخطفت منه و سجل أرمسترونج هدف التقدم.....
هنا وضحت شخصية مانشستر يونايتد الجديدة السنادي و برده فعل ممتازة نجح انه يسجل هدفين ورا بعض عن طريق راشفورد و مارشيال علشان يتقدم الفريق و ينتهي الشوط الأول 2-1.....

الشوط الثاني كان لازم اليونايتد يسجل هدف ثالث يأمن به النتيجة و فعلا كان فيه كذا فرصة انه يخلص الماتش لكن حدث أسواء حاجة ممكن تحصل لسولتشاير و هي إصابتين متتاليتين للباك الشمال لوك شو و البديل كمان وليامز الشاب الصغير و كانت طبعا انتهت التغيرات فلعب مانشستر ب10 لاعبين في اخر خمس دقايق اتعادل فيهم ساوثاهامبتون عن طريق البديل اوبافيمي......
طبعا نتيجه مفاجاة و طبعا تشيلسي و جمهورة سعداء جدا و كمان ليستر و جمهوره هما كمان في قمة السعادة..... و كل ده علشان السباق المحموم علي مركزين التشامبيونز ليج الثالث و الرابع.... 
كده: تشيلسي 60
       ليستر     59 
     يونايتد     59
اجمل ما في المباراة بالنسبالي اصرار المدير الفني المحترم رالف هازينهاتل المدير الفني لساوثاهامبتون علي المكسب و حاجتين عايز افكركم بيها .... الراجل ده اتهزم من ليستر سيتي علي ملعبه سانت ماريز بنتيجه تاريخية 9-0 يوم 25 اكتوبر 2019 .... و الحاجة الثانيه انه لسه فايز علي مانشستر سيتي من اسبوع 1-0 و انهارده بيتعادل خارج ملعبه مع اليونايتد في الوقت البدل الضايع .... تحيه كبيرة جدا لمدير فني نمساوي كان قدم موسمين ممتازين مع لايبزج في البوندزليجا قبل كده......
هارد لك لمانشستر يونايتد انما لسه الفرصة موجودة و في رأيي مضمونة ان مانشستر يونايتد بلعب في التشامبيونز ليج الموسم القادم ان شاء الله.....

Oh when the Saints, go marching in, 
Oh when the Saints go marching in, 
I want to be in that number, 
Oh when the Saints go marching in...
Oh when the Saints, go marching in, 
Oh when the Saints go marching in, 
I want to be in that number, 
Oh when the Saints go marching in...

طالع أيضا تريزيجيه يفجرها متحدثا كلما احتفلت بمحمد صلاح و رياض محرز وكل نجومنا العربية بقول امتي حنحتفل بيك يا تريزيجيه.....
اخيرا تريزيجيه كان نجم اليوم انهارده و سجل هدفين في غاية الأهمية لفريقه استون فيلا امام كريستال بالاس في الفيلا بارك و فاز بيهم فريقه ..... 
هدفين كل واحد فيهم فيه مهارة و لمسه بتأكد ان الولد ده ممكن يعمل حاجات جميله المواسم الجاية ان شاء الله.....
صحيح لسه الفريق قريب جدا من الهبوط للشامبيونشيب و المستوي بصفه عامه ضعيف جدا لكن كان مهم جدا ان تريزيجيه يثبت للجميع سواء لجماهير النادي و مسؤلين اندية اخري بتفكر فيه انه يستحق انه يكون في البرميرليج السنه الجاية.....
تريزيجيه مكانش بيشارك كأساسي مع استون فيلا فهو لعب 31 ماتش و شارك كأساسي  17 مباراة فقط و ده رغم انه كان صفقة تعتبر مكلفه لنادي الفيلانز ..... سجل في الدوري 5 اهداف و صنع هدف..... 

اعتقد ان ارقامة كانت ممكن تكون افضل في اول سنه برميرليج لو دين سميث المدير الفني كان بيلعب تريزيجيه في مكانه اللي تألق فيه في حياته الكروية و بالذات الموسم الماض مع ناديه السابق قلسم باشا و هو الجناح الشمال .....المشكله كانت ان ده المركز اللي نجم الفريق الأول جاك جريلش بيلعب فيه فكان معظم الأحيان بيلعب تريزيجيه ناحية اليمين و ده يعتبر مش المكان الطبيعي له او بالمعني السهل مش عدلته .... اخيرا لعب به اخر ثلاث مباريات كأساسي وونج شمال و شوفناه في الماتش الأخير مع ليفربول جاب كوره في العارضة و انهارده سجل هدفين و كان ممكن يجيب الهاتريك في كورة عرضية دخل فيها في العمق بشكل ممتاز بس للأسف مكانش عنده حظ.....
أخيرا مازالت فرصة هبوط الفيلانز هي الأعلي و ممكن تتخطي ال70% كمان يعني محتاجين معجزه كروية للنجاه و اعتقد (ارجو) ان الكلام اللي سمعته من بعض المقربين للترزيجيه يكون صح و يستمر الموسم القادم في البرميرليج مع فرقة قوية زي ولفرهابتون 

We'll meet again, 
Don't know where, 
Don't know when, 
But I know we'll meet again some sunny day! 
We'll meet again...
Villa Villa Villa Villa 
We'll meet again, 
Don't know where, 
Don't know when, 
But I know we'll meet again some sunny day! 
We'll meet again...
Villa Villa Villa Villa

نتحدث عن ثريد من الدوري الأنجليزي يوم كروي حافل مليان مباريات في الدوريات المختلفة 
حنتكلم سوا زي ما تعودنا علي أبرز حاجات(نشاهدها بالصور )حصلت انهارده في الدوري الإنجليزي :
- البطل ليفربول معرفش يكسب بيرنلي و تعادل 1-1 في مباراة غريبة الأطوار ..... محمد صلاح كان مش في يومه ضيع فرص كتير رغم انه اجتهد و حاول لكن نيكولاس بوب حارس بيرنلي كان مركز معاه جدا لدرجه ان كلوب راح قدملة التهنئة شخصيا بعد المباراة  ... العجيب ان بيرنلي ضيع كورة كانت ممكن تكون هدف ثاني و تكون اول هزيمة لليفربول علي الأنفيلد في الدوري الموسم ده لكن الكورة جت في العارضة....
-المفاجأة الثانية كانت هزيمة تشيلسي من شيفلد يونايتد و بنتيجة كبيرة 3-0 رغم إستحواز تشيلسي و تسيده الماتش تماما بنسبه تعدي ال70%.... طبعا النتيجة ديه اجمل حاجة ممكن تحصل لجماهير مانشستر يونايتد اللي بتعيش اجمل ايامها من سنين السير ألكس فيرجسون لأن كده ممكن الفريق يكون في المركز الثالث.... انا في رأيي ان الصراع علي المركزين الثالث و الرابع حيفضل مشتعل لأخر اسبوع.....
- اما بقي ماتش السيتي و برايتون السيتي متع جمهوره بفوزه 5-0.... رحيم ستيرلنج كان نجم المباراة الأول بهاتريك مميز جدا و دخل هو كمان في صراع الهدافين برصيد 17 هدف في أفضل موسم ليه مع السيتي..... رياض محرز صنع هدف و ده ال19 الموسم ده و عمل مجموعة من اللوحات الكروية و كان حيسجل هدف من اجمل أهداف الموسم لكن لعب الكورة في الشباك الجانبية من المرمي.....
- اخر حاجة كانت فوز ويست هام علي نورويتش اللي هبط رسميا الي التشامبيونشيب لكن المهم هو النتيجه خلصب 4-0 والرباعية سوبر هاتريك كانت لأنتونيو الإنجلبزي لاعب خط الوسط اللي بيلعب مهاجم لوست هام علشان يكون هو نجم اليوم و يا فرحة اللي عامله تريبل كابتن في الفانتزي 

Antoniooooo
Antoniooo, 
Antonioo, 
Antonioo, 
Antonio...
Antoniooooo
Antoniooo, 
Antonioo, 
Antonioo, 
Antonio...

اليونايتد يواصل المتعة
ايه اللي حصل لمانشستر يونايتد ايه الأداء ده ايه الحلاوة ديه ..... مانشستر يونايتد واصل انتصاراته و فاز علي استون فيلا القريب جدا من الهبوط بثلاث اهداف بدون رد..... فوز خارج الملعب في ملعب الفيلا بارك لكن الفريق اصبح بيكسب خارج ملعبة و داخل ملعبه بشكل مميز .......  علشان يقترب الثنائي المصري تريزيجيه اللي عمل مباراة جيده و المحمدي من الهبوط للشامبيونشيب للأسف....
الإيجابيات في اليونايتد  كثيرة جدا في أفضل فتراته من سنين دفاع متماسك الي حد كبير .... خط وسط قوي جدا جدا بعد إضافة و تفاهم برونو فيرناديز و بوجبا.... خط هجوم ممتاز مارشيال راشفورد جرين وود...... 
الممتع في الفوز هو سولتشاير و تمسكه بالتشكيل اللي الفريق ظهر به بالتفاهم ده و ووضح جدا التفاهم و الإنسجام بالذات بالهدف الثالث لبوجبا.....الحقيقة  بوجبا مع برونو فيرناديز وصل لحاله من التركيز بقاله كتير جدا بعيد عنها......
في رأيي مانشستر يونايتد يحتاج مدافع قوي مع ماجوير و ايضا جناح زي سانشو و يكون الفريق جاهز للمنافسه علي البرميرليج الموسم القادم..... 
تريزيجيه لعب مباراة جيدة و جاب كورة في العارضة قبل هدف اليونايتد الأول من ضربة جزاء مشكوك جدا في صحتها لكن كالعادة هي ديه الكورة....
الريد ديفلز بقي في وضعية ممتازة انه يصل للمركز الرابع في ظل تذبذب اداء ليستر و تستمر متعة البرميرليج السنادي

Jingle bells, 
jingle bells, 
Jingle all the way, 
Oh what fun it is to see, 
United win away - oh!
Jingle bells, 
jingle bells, 
Jingle all the way, 
Oh what fun it is to see, 
United win away - oh

نجوم الكورة

منشورات شائعة